ჟენევაში აშშ-ის სახელმწიფო მდივან ენტონი ბლინკენსა და რუსეთის საგარეო საქმეთა მინისტრ, სერგეი ლავროვს შორის მოლაპარაკებები დასრულდა.
მოლაპარაკებების დაწყებამდე რუსეთის საგარეო უწყების ხელმძღვანელმა განაცხადა, რომ ისინი აშშ-სგან ელოდებიან კონკრეტულ პასუხს მათ მიერ წარდგენილ „უსაფრთხოების გარანტიების“ შესახებ წინადადებებზე.
აშშ-ის სახელმწიფო მდივანმა დაადასტურა დასავლეთის მზადყოფნა დიალოგის გაგრძელებაზე, თუმცა კიდევ ერთხელ გაუსვა ხაზი, რომ უკრაინის მიმართ აგრესიის განხორციელების შემთხვევაში პასუხი ერთიანი და კონსოლიდირებული იქნება. ამასთან, მან იმედი გამოთქვა, რომ დღევანდელი მოლაპარაკებები იქნება ტესტი, იმის გასარკვევად, დარჩება თუ არა დიალოგისა და დიპლომატიის გზა ღია.