გერმანიის თავდაცვის მინისტრი - კიევის მხარეს ვდგავართ, ყველაფერი უნდა გავაკეთოთ დეესკალაციისთვის, თუმცა ახლა ამას იარაღის მიწოდება ხელს არ შეუწყობს

გერმანია უკრაინას თებერვალში საველე ჰოსპიტალს გაუგზავნის, - ამის შესახებ ქვეყნის თავდაცვის მინისტრმა კრისტინა ლამბრეხტმა Welt am Sonntag-სთან ინტერვიუში განაცხადა.

„თებერვალში უკრაინა მიიღებს სრულად აღჭურვილ საველე ჰოსპიტალს საჭირო ტრენინგთან ერთად, გერმანიისგან 5.3 მილიონი ევროს ოდენობის თანადაფინანსებით,“- აღნიშნა თავდაცვის მინისტრმა და დასძინა, რომ ბერლინმა უკვე მიაწოდა რესპირატორები უკრაინას.

ამასთან, კრისტინა ლამბრეხტმა უკრაინისთვის სამხედრო დახმარების გაწევა გამორიცხა, რადგან ეს ხელს არ შეუწყობს კრიზისის განმუხტვას.

"ჩვენ ვდგავართ კიევის მხარეს. ყველაფერი უნდა გავაკეთოთ დეესკალაციისთვის. ამჟამად იარაღის მიწოდება ამას ხელს არ შეუწყობს. გერმანიის მთავრობაში ამაზე შეთანხმება არსებობს", - განაცხადა ლამბრეხტმა.

შეგახსენებთ, The Wall Street Journal-ის ინფორმაციით, ბერლინმა ესტონეთს კიევში იარაღის ექსპორტის ნებართვა არ მისცა, მაშინ, როდესაც აშშ-ის სახელმწიფო დეპარტამენტმა ესტონეთს ამერიკული წარმოების იარაღის უკრაინაში გასაგზავნად „მწვანე შუქი“ აუნთო. აღსანიშნავია, რომ ესტონეთმა, ლატვიამ და ლიეტუვამ განაცხადა, რომ უახლოეს მომავალში უკრაინაში აშშ-ის წარმოების „ჯაველინისა“ და „სტინგერის“ სარაკეტო სისტემებს გააგზავნიან.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა