CNN - კრემლის გეგმებთან დაკავშირებით უკრაინაში პრორუსი ლიდერის მოყვანის შესახებ აშშ-საც იგივე ინფორმაცია აქვს, რაც დიდ ბრიტანეთს
CNN-ის ინფორმაციით, კრემლის გეგმებთან დაკავშირებით უკრაინაში პრორუსი ლიდერის მოყვანის შესახებ აშშ-ს დაზვერვასაც იგივე ინფორმაცია აქვს, რაც დიდ ბრიტანეთს.
"დიახ, ჩვენ ვნახეთ დაზვერვის ინფორმაცია, რომ რუსეთი ეძებს გზებს, რათა შეამციროს ხანგრძლივი, გაჭიანურებული ომი. ეს მოიცავს იმას, როგორიცაა მეგობარი მთავრობის შექმნა და ჯაშუშური სააგენტოების გამოყენება ", - განუცხადა მედიასაშუალებას წყარომ.
შეგახსენებთ, გაერთიანებული სამეფოს საგარეო საქმეთა სამინისტროს განცხადებით, ფლობენ ინფორმაციას იმის შესახებ, რომ რუსეთის მთავრობა „კიევში პრორუსი ლიდერის დაყენებას გეგმავს, რადგან ის განიხილავს უკრაინაში შეჭრას და ოკუპაციას“.
რუსეთის საგარეო საქმეთა სამინისტროში დიდი ბრიტანეთის საგარეო საქმეთა სამინისტროს მოუწოდეს, შეწყვიტოს "პროვოკაციული ქმედებები და სისულელეების გავრცელება".
