დღეს, შსს-ს შენობასთან პოლიციელის მხრიდან არასრულწლოვანი შშმ პირის ცემის ფაქტზე გამართულ საპროტესტო აქციაზე ,,დროას" ერთ-ერთი ლიდერი შუშანა მაცაბერიძე დაშავდა.
როგორც ,,დროას" ლიდერი ელენე ხოშტარია ,,ფეისბუქზე” წერს, მაცაბერიძეს პოლიციელმა რამდენჯერმე დაარტყა და აქვს ძლიერი ტკივილი მუცლისა და ხელის არეში. ხოშტარიას თქმით, იგი ამ დრომდე კლინიკაში რჩება.
,,არასრულწლოვანის ცემის გამო პროტესტზე შუშანაც მიაყოლეს, მუცელში დაარტყა პოლიციელმა რამდენიმეჯერ ხელი და სტკივა მუცელი. შუშანას ჯერ ტოვებენ კლინიკაში. მუცლის არეში ტკივილი აქვს დარტყმისგან მწვავე. როგორც კი დიაგნოზი იქნება, ცხადია ვუჩივლებთ ,,გაუქმებულ" ინსპექტორთან, არ მოგასვენებთ მაინც, ცემის პროტესტზე ცემისთვის", - ნათქვამია ელენე ხოშტარიას ,,ფეისბუქ" განცხადებაში.