გაერთიანებული სამეფოს პრემიერ-მინისტრი ბორის ჯონსონი აცხადებს, რომ ბრიტანეთი და აშშ რუსეთის SWIFT გლობალური გადახდის სისტემიდან გამოთიშვის იდეას განიხილავენ.

მისი თქმით, რუსეთის გადასახადის სისტემიდან გათიშვა სერიოზული ნაბიჯი იქნება და ის მხოლოდ უკიდურეს შემთხვევაში აშშ-სთან თანამშრომლობის შედეგად შეიძლება მოხდეს.

„ეს ძალიან ძლიერი იარაღი იქნება, თუმცა მისი გამოყენება შესაძლებელია მხოლოდ შეერთებული შტატების დახმარებით. ჩვენ ამ საკითხს განვიხილავთ“, -განაცხადა ბორის ჯონსონმა.

შეგახსენებთ, დასავლეთის ქვეყნებმა არაერთხელ განაცხადეს, რომ თუ რუსეთი უკრაინაში შეიჭრება, მას დიდი საფასურის გადახდა მოუწევს.