იენს სტოლტენბერგი - რუსეთმა უნდა გაიყვანოს თავისი ძალები უკრაინიდან, საქართველოდან და მოლდოვადან, სადაც ისინი განლაგებული არიან ამ ქვეყნების თანხმობის გარეშე

ნატოს გენერალურმა მდივანმა იენს სტოლტენბერგმა განაცხადა, რომ რუსეთმა უნდა გაიყვანოს თავისი ძალები უკრაინიდან, საქართველოდან და მოლდოვადან, სადაც ისინი ამ ქვეყნების თანხმობის გარეშე არიან განლაგებული.

სტოლტენბერგის თქმით, უკრაინის მახლობლად ბელარუსის და რუსეთის ჯარები მზადყოფნაში არიან.

„რუსეთის სამხედრო ფორმირება უკრაინაში და მის გარშემო გრძელდება, 100 000-ზე მეტი ჯარისკაცით პოზიციებზე და მეტი გზაშია, მათ შორის მნიშვნელოვანი განლაგებაა ბელარუსში“, -განაცხადა სტოლტენბერგმა.

„ნატოს მტკიცედ სჯერა, რომ დაძაბულობა და უთანხმოება უნდა მოგვარდეს დიალოგისა და დიპლომატიის გზით“, - განაცხადა გენმდივანმა.

მან აღნიშნა, რომ ნატო რუსეთთან კომპრომისზე არ წავა არცერთი ქვეყნის, მათ შორის უკრაინის, ალიანსში გაწევრიანების უფლებასთან დაკავშირებით.

სტოლტენბერგმა დასძინა, რომ პოლიტიკური მოლაპარაკებების წარმატების იმედით, ნატო ყველაზე უარესისთვის ემზადება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს