პრეზიდენტი - გამოვაცხადოთ მორატორიუმი სიძულვილის ენაზე ცოტა ხანი მაინც და ვნახოთ, რამდენად შვებას მოუტანს საზოგადოებას - ყველასთვის არის ეს ჩემი დიდი თხოვნა, მოწიწებული მოთხოვნა

გამოვაცხადოთ მორატორიუმი სიძულვილის ენაზე ცოტა ხანი მაინც და ვნახოთ, რამდენად შვებას მოუტანს საზოგადოებას. ყველასთვის არის ეს ჩემი დიდი თხოვნა, მოწიწებული მოთხოვნა, - ამ სიტყვებით დაასრულა საქართველოს პრეზიდენტმა, სალომე ზურაბიშვილმა მედიის წარმომადგენლებთან გამართული შეხვედრა.

სალომე ზურაბიშვილმა დასკვნით სიტყვაში გარდა სიძულვილის ენის გამოყენების შეწყვეტისა, საყოველთაო თანხმობის პროცესში ქალთა როლზეც გაამახვილა ყურადღება და აღნიშნა, რომ მაისში, საქართველოში კონფლიქტების საკითხზე ქალთა ლიდერების კონფერენცია ჩატარდება.

„მე არ მინდა, რომ დავასრულოთ ეს შეხვედრა ისე, რომ არ ვთქვა ორი რამე. ჯერ ერთი, ამ პროცესში, არავის არ გეწყინოთ, რაღაც გარკვეული როლი ექნებათ ქალებს, ვიღაცამ უკვე თქვა, რომ გენდერული ნიშნით ჰყოფსო საზოგადოებას, არავის არ ვყოფ არავისგან, მაგრამ ფაქტია, რომ ქალებს შესაძლებელია ჰქონდეთ და მათთან შეხვედრების დროს ესეც ვიგრძენი, სხვა ხედვა ცოტა. ეს არის ჯერ ერთი ჩვენს ტრადიციაში, მანდილიდან დაწყებული კრავაი ჯაყელით გაგრძელებული და ა.შ. ეს როლი ქალებისა არ იქნა გამოყენებული ამ ძალიან დაძაბული პოლიტიკური კრიზისის პერიოდში. დღეს დეპოლარიზაციასთან გამკლავებაში ქალებს აქვთ სხვა მიდგომები. მინდა ესეც გითხრათ, რომ მაისში აქ მოვიწვიე უკვე ქალთა ლიდერების კონფერენცია კონფლიქტების საკითხზე. ოღონდ არა მხოლოდ საერთაშორისო კონფლიქტები, არამედ შიდა კონფლიქტიც, პოლარიზაცია. ლიდერი ქალები არა მხოლოდ პოლიტიკური, არამედ ბიზნესის და სხვა სფეროებიდან.

მე, ჩემი მხრივ, უკვე პირობა მოგეცით, რომ რამდენიც საჭირო იქნება შეიძლება ასეთი შეხვედრები გაიმართოს და თქვენც გთხოვთ რამეს ხომ შეიძლება? რომ გამოვაცხადოთ მორატორიუმი სიძულვილის ენაზე თქვენ არხებზე? ცოტა ხანი მაინც და ვნახოთ, რამდენად შვებას მოუტანს საზოგადოებას. ამაზე პასუხს არ გთხოვთ, გიტოვებთ როგორც თხოვნას. ყველასთვის არის ეს თხოვნა და ასევე საზოგადოებასთან იმიტომ, რომ სოციალური ქსელი, სადაც ჩვეულებრივი მოქალაქეები გამოდიან, არაა უფრო სახარბიელო სივრცე. ამიტომ ყველასთვის არის ეს ჩემი დიდი თხოვნა, მოწიწებული მოთხოვნა“, - განაცხადა სალომე ზურაბიშვილმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა