აშშ-ის თავდაცვის მინისტრი ლოიდ ოსტინი აცხადებს, რომ უკრაინაში კონფლიქტი გარდაუვალი არ არის და ჯერ კიდევ არის დრო დიპლომატიისთვის.
„კონფლიქტი გარდაუვალი არ არის, ჯერ კიდევ არის დრო და სივრცე დიპლომატიისთვის,“- აღნიშნა ოსტინმა.
მისი განცხადებით, ვლადიმერ პუტინს შეუძლია არჩევანი დეესკალაციის სასარგებლოდ გააკეთოს.
„არ მიგვაჩნია, რომ პრეზიდენტმა პუტინმა მიიღო საბოლოო გადაწყვეტილება, გამოიყენოს ეს ძალები უკრაინის წინააღმდეგ. მას ახლა აშკარად აქვს ეს შესაძლებლობა. პუტინს რამდენიმე არჩევანი აქვს, მათ შორის ქალაქებისა და მნიშვნელოვანი ტერიტორიების დაკავება, ამასთან, მას შეუძლია აირჩიოს დეესკალაცია და ჯარების უკან გაყვანის ბრძანება გასცეს“, - განაცხადა ოსტინმა.
ამასთან, მან ხაზი გაუსვა, რომ აშშ მზადაა დაეხმაროს უკრაინას თავის დაცვაში, მათ შორის დამატებითი იარაღის მიწოდებით.