რუსეთის საგარეო უწყების განცხადებით, რუსეთი აფართოებს ევროკავშირის წარმომადგენლების სიას, რომლებსაც ქვეყანაში შესვლა აეკრძალათ

მოსკოვმა გადაწყვიტა ევროკავშირის წარმომადგენლების საპასუხო სია გააფართოოს, რომლებსაც ქვეყანაში შესვლა აეკრძალებათ, - ამის შესახებ ინფორმაციას რუსული მედია ქვეყნის საგარეოს საქმეთა სამინისტროს განცხადებაზე დაყრდნობით ავრცელებს.

„რუსეთმა არაერთხელ გააფრთხილა ევროკავშირი, არ გამოიყენოს ცალმხრივი შემზღუდავი ზომები, რომლებიც არალეგიტიმურია საერთაშორისო სამართლის თვალსაზრისით. ევროკავშირის მიერ მიღებული გადაწყვეტილებების ფონზე მოსკოვი ღიად აცხადებს, რომ იტოვებს საპასუხო მოქმედების უფლებას. შესაბამისად, რუსული მხარე, რომელიც ხელმძღვანელობს პარიტეტის პრინციპით, წყვეტს, რომ გააფართოოს ევროკავშირის წევრი ქვეყნების წარმომადგენლებისა თუ ინსტიტუციების სია, რომლებსაც ქვეყანაში შემოსვლა აეკრძალებათ “, - ნათქვამია საგარეო საქმეთა სამინისტროს განცხადებაში.

მათივე ცნობით, შავ სიაში შედიან ევროპის სხვადასხვა რეგიონში მოქმედი ევროპის კერძო სამხედრო კომპანიების ხელმძღვანელები, სამართალდამცავი უწყებების, ევროკავშირის ზოგიერთი წევრი ქვეყნის საკანონმდებლო და აღმასრულებელი ხელისუფლების წარმომადგენლები, რომლებიც „პირადად იყვნენ ჩართული ანტირუსულ პროპაგანდაში“.

„რუსეთის საგარეო საქმეთა სამინისტროს ნოტა მოსკოვში ევროკავშირის წარმომადგენლობას დადგენილი წესით გადაეცა “, - აღნიშნა დიპლომატიურმა სამსახურმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო