ბორის ჯონსონი აღმოსავლეთ ევროპის რეგიონში ვიზიტს, ასევე ვლადიმერ პუტინთან საუბარს გეგმავს
გაერთიანებული სამეფოს პრემიერ-მინისტრი ბორის ჯონსონი, უახლოეს დღეებში რუსეთის პრეზიდენტთან, ვლადიმერ პუტინთან სატელეფონო საუბრის გამართვას და ასევე ევროპის რეგიონში ვიზიტს გეგმავს.
„დაუნინგ სთრით N10“-ის ინფორმაციით, ბორის ჯონსონი კიდევ ერთხელ გაიმეორებს, რომ აუცილებელია, რუსეთმა დიპლომატიის გზა გამოიყენოს.
”პრემიერ-მინისტრი მოწოდებულია, დააჩქაროს დიპლომატიური ძალისხმევა და გააძლიეროს შეკავების პოლიტიკა ევროპაში სისხლისღვრის თავიდან ასაცილებლად. ის გაიმეორებს, რომ აუცილებელია, რუსეთმა უკან დაიხიოს და დიპლომატიაში ჩაერთოს, როდესაც ამ კვირაში პუტინთან დიალოგი ექნება,“- აცხადებენ პრემიერ-მინისტრის ოფისში.
შეგახსენებთ, გასულ კვირაში ბორის ჯონსონმა სატელეფონო საუბარი გამართა აშშ-ის პრეზიდენტ ჯო ბაიდენთან, ევროპელ ლიდერებსა და ნატო-ს გენერალურ მდივანთან, იენს სტოლტენბერგთან. საუბრის დროს ლიდერები შეთანხმდნენ, რომ „რუსეთთან დიპლომატიური მოლაპარაკებები უმთავრეს პრიორიტეტად" რჩება.
v-if="article.gallery" v-html="article.gallery"
