რუსეთში კორონავირუსით ინფიცირების 124 070 ახალი შემთხვევა გამოვლინდა, რაც რეკორდულად მაღალი დღიური მაჩვენებელია პანდემიის დაწყების დროიდან, - ინფორმაციას ადგილობრივი მედია ავრცელებს.
ამასთან, ქვეყანაში ბოლო 24-საათში კოვიდ 19-ს კიდევ 621 პაციენტი ემსხვერპლა.
პანდემიის დაწყების დროიდან რუსეთში, ჯამში, კორონავირუსი 11 861 077 ადამიანს დაუდასტურდა, აქედან 331 349 გარდაიცვალა, 10.2 მილიონზე მეტი კი - გამოჯანმრთელდა. კორონავირუსით დაინფიცირებულთა რაოდენობით რუსეთი მსოფლიოში მე-6 ადგილზეა, აშშ-ის, ინდოეთის, ბრაზილიის, საფრანგეთისა და გაერთიანებული სამეფოს შემდეგ.