ბრიტანეთი რუსეთს, უკრაინაში შეჭრის შემთხვევაში, კრემლთან დაახლოებული პირებისა და კომპანიების წინააღმდეგ სანქციების დაწესების შესახებ აფრთხილებს

ბრიტანეთი მოუწოდებს ვლადიმერ პუტინს დატოვოს უკრაინის საზღვარი, წინააღმდეგ შემთხვევაში კი აფრთხილებს, რომ ნებისმიერი სახის შეჭრა ქვეყანაში გამოიწვევს კრემლთან დაახლოებული პირებისა და კომპანიების წინააღმდეგ სანქციებს. ინფორმაციას Reuters ავრცელებს.

აღნიშნულს გამოეხმაურა კრემლის პრესსპიკერი დიმიტრი პესკოვი. მისი თქმით, ასეთი ზომების მიღება რუსულ ბიზნესებზე თავდასხმის ტოლფასია. პესკოვმა ბრიტანეთის გაფრთხილებას "ძალიან შემაწუხებელი" უწოდა და აღნიშნა, რომ მსგავსი განცხადებები ძირს უთხრის ბრიტანეთის საინვესტიციო მიმზიდველობას და ბრიტანულ კომპანიებს დააზარალებს.

”ბიზნესზე თავდასხმის ასეთ პირდაპირ მუქარას ხშირად ვერც ხედავთ და არც გესმით. ამა თუ იმ ქვეყნის მიერ რუსულ ბიზნესზე თავდასხმა გულისხმობს საპასუხო ზომებს და საჭიროების შემთხვევაში ეს ზომები ჩვენი ინტერესებიდან გამომდინარე იქნება ჩამოყალიბებული", - განაცხადა პესკოვმა.

დღეს გაერთიანებული სამეფოს პრემიერ-მინისტრ ბორის ჯონსონსა და ვლადიმერ პუტინს შორის სატელეფონო საუბარი გაიმართება.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი