აშშ-ის ელჩი გაეროში - თუ რუსეთი უკრაინაში შეიჭრება, შედეგები იქნება საშინელი

გაეროს უშიშროების საბჭო უნდა ასრულებდეს იმ ორგანოს ფუნქციას, რომელიც მოწოდებულია აღკვეთოს შეიარაღებული კონფლიქტები და იმის ნაცვლად, რომ დააკვირდეს რუსეთის აგრესიულ ქმედებას, უპასუხოს რისკებს, რომლებსაც მოსკოვი უქმნის უკრაინას, ევროპას და მთელ მსოფლიოს. ამის შესახებ დღეს გაეროს უშიშროების საბჭოს სხდომის დაწყებისას აშშ-ის მუდმივმა წარმომადგენელმა ლინდა თომას-გრინფილდმა განაცხადა.

„ჩვენ არ შეგვიძლია უბრალოდ ვიჯდეთ და ვაკვირდებოდეთ. პრინციპულად მნიშვნელოვანია, რომ ამ საბჭომ უპასუხოს რუსეთის მსოფლიოსთვის აგრესიულ და მადესტაბილიზებელ რისკებს“, - განაცხადა ამერიკის ელჩმა გაეროში.

მან გაიხსენა, რომ გაეროს უშიშროების საბჭო შეიქმნა სწორედ ასეთი საფრთხეების გადასაჭრელად, რომლებიც ამჟამად წარმოიქმნა უკრაინის წინაშე და არა მხოლოდ რეაგირება მოახდინოს კონფლიქტებზე, არამედ აღკვეთოს კიდეც.

ამასთან დაკავშირებით, ამერიკელმა დიპლომატმა ხაზი გაუსვა, რომ რუსეთის მხარის ქმედებები წარმოადგენს საფრთხეს როგორც უკრაინისთვის, ისე მთელი ევროპისა და ამჟამინდელი მსოფლიო წესრიგისთვის.

„რუსეთის ქმედება - ეს არის დარტყმა გაეროს წესდების გულში. ეს არის თანმიმდევრული და ცხადი საფრთხე მსოფლიოსთვის, რომლის წარმოდგენაც არის შესაძლებელი“ , - აღნიშნა აშშ-ის წარმომადგენელმა.

მან რუსეთს მოუწოდა, აირჩიოს დიპლომატიის გზა და არა კონფლიქტისა.

„ბოლო პერიოდში რუსეთი იმუქრება, რომ გადავა საბრძოლო მოქმედებებზე, თუკი მისი მოთხოვნები არ შესრულდება. თუ ის უკრაინაში შეიჭრება, ვერცერთი ჩვენგანი ვერ იტყვის, რომ ამის განჭვრეტა არ შეგვეძლო. შედეგები იქნება საშინელი და სწორედ ამიტომ, დღევანდელი სხდომა საკმაოდ მნიშვნელოვანია“, - განაცხადა თომას-გრინფილდმა.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“