გერმანელმა სამართალდამცავებმა ორი პირი დააკავეს, რომელიც პოლიციელების მკვლელობაშია ეჭვმიტანილი, - ინფორმაციას „დოიჩე ველე“ ავრცელებს.

გამოცემის ცნობით, ორივე დაკავებული გერმანიის მოქალაქეა. პოლიციას ჯერჯერობით თავდასხმის მოტივის შესახებ ინფორმაცია არ გაუვრცელებია. ცნობილია, რომ დაკავებულების ჩხრეკისას ცეცხლსასროლი იარაღი ამოიღეს.

შეგახსენებთ, გუშინ რაინლანდ-პფალცის მხარეში, კუზელის რაიონში, კაიზერსლაუტერნის მახლობლად, ავტომობილის ჩვეული წესით გაჩერების დროს პოლიციელებს ცეცხლი გაუხსნეს, რის შედეგადაც ორი სამართალდამცავი დაიღუპა. ფაქტს გერმანიის კანცლერი ოლალ შოლციც გამოეხმაურა, მწუხარება გამოხატა და დაღუპული პოლიციელების ოჯახებსა და ახლობლებს მიუსამძიმრა. „დანაშაულის მოტივი სწრაფად უნდა გავარკვიოთ,“- განაცხადა კანცლერმა. მომხდართან დაკავშირებით რაინლანდ-პფალცის მხარეში დროშები დაშვებულია.