ხათუნა სამნიძე - „ქართული ოცნება“ გაიქცა კომიტეტის სხდომიდან - ეს არის მშიშარა ძალა, რომელიც ასრულებს დავალებას და არანაირი არგუმენტი არ აქვს, თუ რატომ იღებს ქვეყნის საწინააღმდეგო გადაწყვეტილებებს

„ქართული ოცნება“ გაიქცა კომიტეტის სხდომიდან. ეს არის მშიშარა ძალა, რომელიც ასრულებს დავალებას და არანაირი არგუმენტი არ აქვს, თუ რატომ იღებს ქვეყნის საწინააღმდეგო გადაწყვეტილებებს, - ამის შესახებ „რესპუბლიკური პარტიის“ თავმჯდომარემ და „რეფორმების ჯგუფის“ ხელმძღვანელმა ხათუნა სამნიძემ ჟურნალისტებთან საუბრისას განაცხადა.

მისი თქმით, რეზოლუცია, სადაც რუსეთის ფედერაცია ნახსენები არ არის, საქართველოს ინტერესებს არ იცავს. ხათუნა სამნიძის განმარტებით, საგარეო ურთიერთობათა კომიტეტის სხდომაზე ოპოზიციამ უკრაინის მხარდამჭერ რეზოლუციაში რუსეთის ფედერაციის ჩაწერა მოითხოვა, თუმცა კომიტეტის თავმჯდომარემ მათი მოთხოვნა არ გაითვალისწინა და რეზოლუციის მიღების საკითხი კენჭისყრაზე „სასწრაფო წესით“ გაიტანა.

„ოპოზიციის მხრიდან მთავარი წინადადება იყო, რომ ტექსტში ჩაწერილიყო ფრაზა „რუსეთის ფედერაცია“, როგორც აგრესიის ავტორი. თითოეულმა ოპოზიციონერმა დეპუტატმა ხაზი გაუსვა, რომ ყველა სხვა კომენტარი და შენიშვნა გადავდოთ გვერდზე და მხოლოდ ამ ჩანაწერის შემდეგ ჩვენ შევძლებთ, რომ მხარი დავუჭიროთ რეზოლუციას. „ქართული ოცნების“ მხრიდან გაკეთდა ყველა ტიპის განცხადება, გარდა კონკრეტული პასუხისა, თუ რატომ არ იწერება რუსეთის ფედერაცია. იყო შენიშვნები, რომ ეს არის უშინაარსო, პროვოკაციული მოთხოვნა.

მამუკა მდინარაძემ განაცხადა, რომ ტექსტი ისეთი უნდა იყოს, რომ მტერიც და მოყვარეც კმაყოფილი დარჩეს. არაფერზე არ იყო საქმიანი, შინაარსობრივი პასუხი. ყველაზე საშინელი ისაა, რომ ალტერნატიული წინადადებების კენჭისყრაზე დაყენება მოითხოვა ოპოზიციამ და რეგლამენტის შესაბამისად, რუსეთის ფედერაციის ჩაწერის საკითხი უნდა დამდგარიყო კენჭისყრაზე, ამას ითხოვდა პროცედურა. „ქართულმა ოცნებამ“, საგარეო ურთიერთობების კომიტეტის თავმჯდომარემ​ ​კანონი დაარღვია, ყველანაირი ალტერნატივის კენჭისყრაზე დაყენების გარეშე, სასწრაფო წესით კენჭისყრა გამოაცხადა ისე, რომ ჩვენ ვერც კი მოვასწარით, არც კი უკითხავს, ვინ არის წინააღმდეგი, ან ვინ შეიკავა თავი. სასწრაფოდ ხელი აიწია „ქართულმა ოცნებამ“ და გაიქცა კომიტეტის სხდომიდან.

„ქართული ოცნება“ გაიქცა კომიტეტის სხდომიდან. ეს არის მშიშარა ძალა, რომელიც ასრულებს დავალებას და არანაირი არგუმენტი არ აქვს, თუ რატომ იღებს ქვეყნის საწინააღმდეგო გადაწყვეტილებებს. რეზოლუცია, სადაც ნახსენები არ არის რუსეთის ფედერაცია, ჩვენი ქვეყნის ინტერესებს არ იცავს. ეს ქმედებები „ქართული ოცნების“ მხრიდან მხოლოდ ერთი ადამიანის ინტერესებს იცავს, რომელსაც დიახ, ჩვენს დოკუმენტებში რუსეთი ხსენების შიში აქვს,“ - განაცხადა ხათუნა სამნიძემ.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს