ავსტრიის ხელისუფლების გადაწყვეტილებით, დღეიდან ქვეყანაში ვაქცინაცია სავალდებულო გახდა. ახალი კანონის მიხედვით, 18 წელს ზემოთ თითოეული მოქალაქე ვალდებულია კორონავირუსის საწინააღმდეგო აცრა გაიკეთოს. მათი თქმით, ვაქცინაცია სავალდებულო გახდა იმისათვის, რომ ქვეყანამ პანდემია დაამარცხოს და ახალი "ლოქდაუნის" დაწესება აუცილებელი აღარ გახდეს.

შეგახსენებთ, ავსტრია ევროპის პირველი ქვეყანაა, სადაც ვაქცინაცია სავალდებუო გახდა. კანონი ძალაში 2024 წლამდე იქნება. პირები, რომლებიც ვაქცინაციაზე უარს განაცხადებენ 600-დან 3 600 ევრომდე დაჯარიმდებიან.

სავალდებულო ვაქცინაციისგან თავისუფლდებიან ორსულები და ის პირები, რომელთა აცრაც რისკებს შეიცავს. ამ დროისთვის ავსტრიის მოსახლეობის 72% ვაქცინირებულია.