კრიტიკული გზავნილი, რომელიც ვლადიმერ პუტინმა უნდა მიიღოს არის: თუ ის უკრაინაში შეიჭრება, მძიმე ეკონომიკური ფასი მოჰყვება, - ამის შესახებ გაერთიანებული სამეფოს ვიცე პრემიერ-მინისტრმა დომინიკ რააბმა განაცხადა.
ამასთან, რააბმა არ უპასუხა შეკითხვას იმასთან დაკავშირებით, რა გახდა გაერთიანებული სამეფოს პრემიერ-მინისტრ ბორის ჯონსონსა და რუსეთის პრეზიდენტს, ვლადიმერ პუტინს შორის დღეს დაგეგმილი სატელეფონო საუბრის გადადების მიზეზი.
შეგახსენებთ, ცნობილი გახდა, რომ ვლადიმერ პუტინსა და ბორის ჯონსონს შორის სატელეფონო საუბარი დღეს აღარ გაიმართება.