აშშ-ის სახელმწიფო მდივანმა ენტონი ბლინკენმა და რუსეთის საგარეო საქმეთა მინისტრმა სერგეი ლავროვმა სატელეფონო საუბარი გამართეს, - ამის შესახებ ბლინკენმა სოციალურ ქსელ "ტვიტერში" დაწერა.
„საგარეო საქმეთა მინისტრ ლავროვთან დღევანდელ საუბარში ხაზგასმით აღვნიშნე აშშ-ის მზადყოფნა, მოკავშირეებთან და პარტნიორებთან ერთად გააგრძელოს დისკუსია უსაფრთხოების საკითხებზე. ჩვენ მზად ვართ, თავიდან ავირიდოთ კონფლიქტი, რომელიც არავის ინტერესშია, თუმცა მზად ვართ, რუსეთს სერიოზული საფასური დავაკისროთ, თუ ის უკრაინაში შეიჭრება“, - დაწერა აშშ-ის სახელმწიფო მდივანმა.
სახელმწიფო დეპარტამენტის ცნობით, საუბრისას ენტონი ბლინკენმა კიდევ ერთხელ გამოხატა უკრაინის სუვერენტიტეტისა და ტერიტორიული მთლიანობის მხარდაჭერა.