მადლობა უკრაინისადმი მხარდაჭერისა და სოლიდარობისთვის - წერს "ტვიტერზე" უკრაინის უმაღლესი რადას დეპუტატი, საგარეო ურთიერთობათა კომიტეტის თავმჯდომარე ალექსანდრ მერეჟკო.
ალექსანდრ მერეჟკო უმრავლესობის წევრის, საგარეო ურთიერთობათა კომიტეტის თავმჯდომარის პირველი მოადგილის გიორგი ხელაშვილის "ტვიტს" ეხმიანება, სადაც ის საქართველოს პარლამენტის მიერ უკრაინის მხარდამჭერი რეზოლუციის მიღებაზე საუბრობს.
საქართველოს პარლამენტმა „ქართული ოცნების“ მიერ ინიცირებული უკრაინის მხარდამჭერი რეზოლუცია უკრაინაში შესაძლო სამხედრო ესკალაციის შესახებ დღეს მიიღო.