ინდოეთში, ჯარხანდის შტატში ქვანახშირის მაღაროში ნარჩენების გროვის ჩამოშლის შედეგად 5 ადამიანი დაიღუპა, - ინფორმაციას Reuters-ი ავრცელებს.
სააგენტოს ცნობით, შემთხვევა მიტოვებულ ღია მაღაროში მოხდა, სადაც ადგილობრივები ქვანახშირის ამოღებას ცდილობდნენ.
მაღარო, სადაც უბედური შემთხვევა მოხდა, სახელმწიფო კომპანიას ეკუთვნის.
პოლიციის ინფორმაციით, შემთხვევა დჰანბადის რაიონში მოხდა და დაღუპული პირები პროფესიონალი მეშახტეები არ არიან.