კონგოში შეიარაღებული პირების თავდასხმას 60 ადამიანი ემსხვერპლა
კონგოს დემოკრატიულ რესპუბლიკაში შეიარაღებული პირების თავდასხმას მინიმუმ 60 ადამიანის სიცოცხლე ემსხვერპლა, - ინფორმაციას Reuters-ი ავრცელებს.
სააგენტოს ცნობით, თავდასხმა იტურის პროვინციაში, იძულებით გადაადგილებულ პირთა ბანაკში მოხდა და მასზე პასუხისმგებელი გასამხედროებული შენაერთი CODECO-ია.
გაეროს მონაცემების თანახმად, CODECO-ის მებრძოლებმა ბოლო წლების განმავლობაში იტურის პროვინციაში ასობით სამოქალაქო პირი მოკლეს, ათასობით ადამიანი კი აიძულეს, საკუთარი სახლი დაეტოვებინა.
