იენს სტოლტენბერგი - ნატო რუსეთს დეესკალაციისკენ მოუწოდებს, რუსეთის მიერ ნებისმიერი აგრესიის განხორციელებას მკაცრი შედეგები და მძიმე საფასური მოჰყვება

ნატო მოუწოდებს რუსეთს დეესკალაციისკენ, რუსეთის მიერ ნებისმიერი შემდგომი აგრესიის განხორციელებას მკაცრი შედეგები და მძიმე საფასური მოჰყვება, - ამის შესახებ ნატო-ს გენერალურმა მდივანმა იენს სტოლტენბერგმა ბრიუსელში გამართულ პრესკონფერენციაზე განაცხადა.

მისი თქმით, ნატო მზადაა დიალოგისთვის და კრიზისიდან პოლიტიკური გამოსავლის გამოსაძებნად, თუმცა ძირითად პრინციპებთან დაკავშირებით დათმობაზე წასვლას არ აპირებს.

„ნატო არ წავა დათმობაზე ძირითად პრინციპებთან დაკავშირებით, რომ ყველა ქვეყანას აქვს უფლება, საკუთარი გზა თავად აირჩიოს და ასევე ნატო-ს აქვს უნარი დაიცვას ყველა მოკავშირე. ერთგულები ვართ კრიზისიდან პოლიტიკური გამოსავლის გამონახვის მიმართ, მაგრამ ყველაზე უარესისთვისაც მზად უნდა ვიყოთ“, - აღნიშნა ნატო-ს გენერალურმა მდივანმა.

მისი თქმით, ნატო ალიანსის ნაწილში დამატებითი საბრძოლო ჯგუფების განთავსებას განიხილავს.

„ჩვენ უკვე გავზარდეთ ნატო-ს სწრაფი რეაგირების ძალების მზადყოფნა. განვიხილავთ ალიანსის სამხრეთით-აღმოსავლეთ ნაწილში ნატო-ს დამატებითი საბრძოლო ჯგუფების განთავსებას“, - აღნიშნა სტოლტენბერგმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?