მინსკი კიევს „დრონით“ საზღვრის უკანონო დარღვევაში ადანაშაულებს და საპროტესტო ნოტას უგზავნის
ბელარუსმა უკრაინული უპილოტო საფრენი აპარატი საზღვრის უკანონოდ დარღვევაში დაადანაშაულა და უკრაინის ელჩს იგორ კიზიმს საპროტესტო ნოტა გადასცა.
„3 თებერვალს საგარეო საქმეთა სამინისტრომ ბელარუსში უკრაინის ელჩი იგორ კიზიმი დაიბარა და უკრაინიდან ბელარუსის მიმართულებით უპილოტო საფრენი აპარატის მიზანმიმართული გაშვების გამო საპროტესტო ნოტა გადასცა“, - აცხადებენ ბელარუსის საგარეო საქმეთა სამინისტროში.
უწყების ინფორმაციით, 24 იანვარს უკრაინულმა უპილოტო საფრენმა აპარატმა ბელარუსის სახელმწიფო საზღვარი უკანონოდ გადაკვეთა.
„ბორტზე განთავსებული აღჭურვილობის მონაცემების ანალიზის მიხედვით დადასტურდა, რომ ის უკრაინიდან ბრესცკის საწვრთნელ მოედანზე სადაზვერვო მოქმედებების განსახორციელებლად გამოაგზავნეს“, - აცხადებენ ბელარუსის საგარეო უწყებაში.
უწყების მტკიცებით, ამ „არამეგობრული ნაბიჯებით [უკრაინა] მიზანმიმართულად ხელს უწყობს სიტუაციის ესკალაციას რეგიონში".
v-if="article.gallery" v-html="article.gallery"
