ავსტრიის პარლამენტის ზედა პალატამ მხარი დაუჭირა კანონმდებლობას სავალდებულო ვაქცინაციის შესახებ.

კანონი ძალაში, სავარაუდოდ, უახლოეს დღეებში შევა, თუმცა ვაქცინაციის სტატუსის კონტროლი 15 მარტამდე არ დაიწყება.

პარლამენტის ქვედა და ზედა პალატაში დამტკიცების შემდეგ კანონპროექტი ხელმოსაწერად პრეზიდენტ ალექსანდერ ვან დერ ბელენსა და კანცლერ კარლ ნეჰამერს გადაეგზავნება. მედიის ინფორმაციით, აღნიშნული ფორმალური პროცედურის დასრულებას რამდენიმე დღე დასჭირდება, რის შემდეგაც კანონი ამოქმედდება.

ბოლო მონაცემებით, ავსტრიაში კორონავირუსის წინააღმდეგ სრულად ვაქცინირებულია მოსახლეობის დაახლოებით 69%-ი, რაც დასავლეთ ევროპის ქვეყნებს შორის ერთ-ერთი დაბალი მაჩვენებელია.