„ჯეოქეისსა“ და საქართველოს დაზვერვის სამსახურს შორის ურთიერთთანამშრომლობის მემორანდუმი გაფორმდა

„ჯეოქეისსა“ და საქართველოს დაზვერვის სამსახურს შორის ურთიერთთანამშრომლობის მემორანდუმი გაფორმდა. ურთიერთთანამშრომლობის მემორანდუმს, ხელი მოაწერეს საქართველოს დაზვერვის სამსახურის ხელმძღვანელმა, შალვა ლომიძემ და ანალიტიკური ორგანიზაცია „ჯეოქეისის“ თავმჯდომარემ, ვიქტორ ყიფიანმა. ამის შესახებ ინფორმაციას ანალიტიკური ორგანიზაცია „ჯეოქეისი“ ავრცელებს.

მათი ინფორმაციით, მემორანდუმი მიზნად ისახავს ეროვნული უსაფრთხოების სფეროში ექსპერტთა თემატური შეხვედრების, ლექციების, მოხსენებების წაკითხვის პრაქტიკის დანერგვას, ერთობლივი კვლევითი ცენტრების, ჯგუფების შექმნას. მემორანდუმი ასევე ითვალისწინებს ეროვნული უსაფრთხოების საკითხებზე ერთობლივი რეკომენდაციების შემუშავებას.

„მოხარული ვარ, რომ დღეს ჩვენი თანამშრომლობის დაწყებით, ერთობლივ წვლილს შევიტანთ ქვეყნის უმნიშვნელოვანესი საკითხის, ჩვენი ქვეყნის ეროვნული უსაფრთხოების გაძლიერებაში. ვფიქრობ, ერთობლივი ნაყოფიერი მუშაობით შევძლებთ ახალგაზრდების ჩართულობის უზრუნველყოფას და სფეროს შევძენთ არაერთ მომავალ მკვლევარსა თუ ანალიტიკოსს“, - განაცხადა ვიქტორ ყიფიანმა.

თანამშრომლობის მემორანდუმზე ხელმოწერის ცერემონიალს „ჯეოქეისის“ მრჩეველი, საქართველოს გენერალური შტაბის ყოფილი უფროსი, გენერალ-მაიორი (გადამდგარი) ვახტანგ კაპანაძე, „ჯეოქეისის“ თავდაცვის და უსაფრთხოების მიმართულების დირექტორი, გიორგი ანთაძე, „ჯეოქეისის“ აღმოსავლეთმცოდნეობის მიმართულების დირექტორი, ემილ ავდალიანი, „ჯეოქეისის“ არარეზიდენტი მკვლევარი საგარეო პოლიტიკის მიმართულებით, ნიკოლოზ ხატიაშვილი ესწრებოდნენ.

დოკუმენტზე ხელმოწერამდე გამართულ შეხვედრაზე მხარეებმა სამომავლო თანამშრომლობის პერსპექტივები განიხილეს.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე