რუსეთში, გასული დღე-ღამის განმავლობაში, საავადმყოფოებში კორონავირუსით ინფიცირებული 18 032 პაციენტი მოხვდა, - ინფორმაციას ადგილობრივი მედია ავრცელებს.
მათივე ცნობით, გასული 24 საათის განმავლობაში ქვეყანაში კორონავირუსით ინფიცირების 177 282 ახალი შემთხვევა გამოვლინდა და 714 ადამიანი გარდაიცვალა.
პანდემიის დაწყების დროიდან რუსეთში, ჯამში, კორონავირუსი 12 630 047 ადამიანს დაუდასტურდა, აქედან 334 753 გარდაიცვალა, 10.5 მილიონზე მეტი კი - გამოჯანმრთელდა.
კორონავირუსით დაინფიცირებულთა რაოდენობით რუსეთი მსოფლიოში მე-6 ადგილზეა, აშშ-ის, ინდოეთის, ბრაზილიის, საფრანგეთისა და გაერთიანებული სამეფოს შემდეგ.