იენს სტოლტენბერგი - ნატო-ს ოცდაათივე მოკავშირე ერთიანია და რუსეთს დეესკალაციისკენ მოუწოდებს

ყველა სუვერენულ ქვეყანას აქვს უფლება, აირჩიოს საკუთარი გზა, მათ შორის ის, სურს თუ არა ნატო-ს წევრი გახდეს. ნატო პატივს სცემს ამ სუვერენულ, თავისუფალ გადაწყვეტილებებს, - ამის შესახებ ნატო-ს გენერალურმა მდივანმა იენს სტოლტენბერგმა msnbc-ის ეთერში განაცხადა, რითაც ის გამოეხმაურა რუსეთ-ჩინეთის ერთობლივ განცხადებას, სადაც აღნიშნულია, რომ მხარეები ნატო-ს შემდგომ გაფართოებას ეწინააღმდეგებიან.

„ყველა სუვერენულ ქვეყანას აქვს უფლება, აირჩიოს საკუთარი გზა, მათ შორის ის, სურს თუ არა ნატო-ს წევრი გახდეს. ნატო პატივს სცემს ამ სუვერენულ, თავისუფალ გადაწყვეტილებებს. ნატო-ს არცერთი ქვეყნისთვის არასდროს დაუძალებია ალიანსში გაწევრიანება. ნატო, ბოლო 10 წლის განმავლობაში წარმატებით გაფართოვდა. ცენტრალური და აღმოსავლეთ ევროპის ქვეყნები შეუერთდნენ ალიანსს, მისი წევრების რაოდენობა თითქმის გაორმაგდა „ცივი ომის“ დასრულების შემდეგ, რამაც ევროპაში თავისუფლებისა და დემოკრატიის გავრცელებას შეუწყო ხელი. ასე, რომ ეს ეხება დამოუკიდებელი ქვეყნების სუვერენულ არჩევანს, არ დაუბრუნდნენ გავლენის სფეროებს, სადაც დიდი სახელმწიფოები წყვეტენ, რისი გაკეთება შეუძლიათ და რისი არა მათ პატარა მეზობლებს,“- აღნიშნა იენს სტოლტენბერგმა.

მისი თქმით, ნატო-ს ოცდაათივე მოკავშირე ერთიანია და ერთხმად მოუწოდებს რუსეთს დეესკალაციისკენ.

„ნატო-ს ოცდაათივე მოკავშირე ერთიანია და ერთხმად მოუწოდებს რუსეთს დეესკალაციისკენ, ასევე ერთიანი ვართ, დავეხმაროთ უკრაინას დაიცვას საკუთარი თავი, ასევე გავუგზავნოთ რუსეთს გზავნილი, რომ მზად ვართ პოლიტიკურ დიალოგში ჩასართავად იმისთვის, რომ შემცირდეს დაძაბულობა და გამოიძებნოს პოლიტიკური გამოსავალი,“- აღნიშნა იენს სტოლტენბერგმა.

შეგახსენებთ, გუშინ ჩინეთის პრეზიდენტმა, სი ძინპინმა და რუსეთის პრეზიდენტმა, ვლადიმერ პუტინმა პეკინში გამართული შეხვედრის შემდეგ ხელი მოაწერეს რუსეთ-ჩინეთის ერთობლივ განცხადებას, სადაც სხვა საკითხებთან ერთად ხაზგასმულია, რომ მხარეები ნატო-ს შემდგომ გაფართოებას ეწინააღმდეგებიან.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა