ჩინეთის ქალაქ ბეისში, კორონავირუსის 100-მდე შემთხვევის გამოვლენის გამო, „ლოქდაუნი“ გამოცხადდა.
მედიის ინფორმაციით, ვირუსის გავრცელების პრევენციის მიზნით, გუანსი-ჯუანის პროვინციაში მდებარე ქალაქში, სადაც დაახლოებით 3.6 მილიონი ადამიანი ცხოვრობს, ყველა მოქალაქეს სახლში დარჩენისკენ მოუწოდეს, აიკრძალა მგზავრობა ქალაქში და ქალაქიდან გასვლა.
ჩინეთი „ნულოვანი კოვიდის“ პოლიტიკას აგრძელებს. ბეისი მესამე ქალაქია, რომელიც, ბოლო ორი თვის განმავლობაში, იზოლაციაში მოექცა. დეკემბრის ბოლოს ჩინეთის ხელისუფლება „ლოქდაუნი“ 13 -მილიონიან ქალაქ სიანში, იანვრის შუა რიცხვებში კი ანიანში გამოაცხადა.