აჭარის ტურისტულ პროდუქტებს ვილნიუსის საერთაშორისო ტურისტულ გამოფენაზე გაეცნენ.

აჭარის ტურიზმის დეპარტამენტის ინფორმაციით, ,,Adventure 2022’’-ზე აჭარისა და ზოგადად, საქართველოს ტურისტული მიმართულებების მიმართ ინტერესი იყო მაღალი.

გამოფენაზე აჭარის ტურიზმის დეპარტამენტი ტურიზმის ეროვნულ ადმინისტრაციასთან ერთად იყო წარმოდგენილი.

„ლიეტუვა აჭარისთვის სამიზნე ქვეყანაა, სადაც რეგიონის პოპულარიზაცია 2016 წლიდან მიმდინარეობს. აჭარის ტურისტული შესაძლებლობების შესახებ სტატიები, რეპორტაჟები და ბლოგები არაერთ ცნობილ ლიეტუვურ მედიასაშუალებაში გამოქვეყნდა. მზარდია ლიეტუველების ინტერესი აჭარაში და ზოგადად საქართველოში მოგზაურობის შესახებ, რაზეც ვილნიუსიდან ბათუმის მიმართულებით შესრულებული ჩარტერული რეისებიც მეტყველებს.

2019 წლიდან, ჩარტერები ვილნიუსი-ბათუმის მიმართულებით ზაფხულის ტურისტულ სეზონზე სრულდება“, - აღნიშნულია ინფორმაციაში.