გერმანიის მთავრობა მზად არის, განახორციელოს „უპრეცედენტო სანქციები“ რუსეთზე, თუ კრემლი ვერ შეძლებს უკრაინასთან დაძაბულობის დეესკალაციას, განაცხადა გერმანიის საგარეო საქმეთა მინისტრმა ანალენა ბერბოკმა და დასძინა, რომ „ბურთი არის მოსკოვის მოედანზე“.

„ჩვენ ყველაფერს გავაკეთებთ იმისთვის, რომ შემდგომი ესკალაცია არ მოხდეს. ამიტომ ჩვენ ერთობლივად მოვამზადეთ რუსეთის წინააღმდეგ მკაცრი ზომების სერია ამ შემთხვევისთვის“, - განაცხადა ბერბოკმა.

როგორც მან დასძინა, "ეს უპრეცედენტო სანქციები კოორდინირებული და მომზადებულია ყველა პარტნიორის თანხმობით".

კიევში უკრაინის საგარეო საქმეთა მინისტრ დმიტრო კულებასთან საუბრის შემდეგ, ბერბოკმა პრესას უთხრა, რომ ცხადია, იქნება მძიმე შედეგები, თუკი იქნება აგრესია.

„ყოველთვის არის მზადყოფნა ჩაერთოს რუსეთთან სერიოზულ დიალოგში - ეს არის დიპლომატიის აზრი - მაგრამ ასევე აბსოლუტური სიცხადეა, რომ იქნება მძიმე შედეგები, თუკი იქნება შემდგომი აგრესია უკრაინის წინააღმდეგ“, - განაცხადა ბაერბოკმა.

„ჩვენ მზად ვართ, ამისთვის გადავიხადოთ მაღალი ეკონომიკური ფასი. იმის გამო, რომ უკრაინის უსაფრთხოება საფრთხის ქვეშაა“, - დასძინა მან.