"ნაციონალური მოძრაობის" წევრები სემეკთან საპროტესტო აქციას მართავენ

"ერთიანი ნაციონალური მოძრაობის" წარმომადგენლები სემეკთან საპროტესტო აქციას მართავენ. გაზრდილ გადასახადებთან ერთად, აქციის მონაწილეები "თელმიკოს" და "თელასის" მიერ აბონენტებისთვის ხარვეზით გაგზავნილ გადასახადებს აპროტესტებენ. როგორც "ნაციონალური მოძრაობის" პოლიტიკური საბჭოს წევრმა, ირაკლი ნადირაძემ აღნიშნა, საპროტესტო აქციები პერმანენტულ ხასიათს მიიღებს.

"ამ ხელისუფლების ერთ-ერთი მთავარი დაპირება იყო განახევრებული კომუნალური გადასახადები. რას ვხედავთ დღეს - გაძვირებულია ყველაფერი, საკვები, მედიკამენტები და ვხედავთ, რომ გაზრდილია კომუნალური გადასახადებიც. დღეს აქ იმისთვის მოვედით, რომ გავაპროტესტოთ ეს უსამართლოდ მაღალი ტარიფები, რომელიც ხელისუფლებამ მოსახლეობას დაუწესა. გარდა ამისა, ვაპროტესტებთ იმ უკანონო ქვითრებს, რომელიც მოსახლეობას ლამის 2-3-ჯერ მისდით და ვერავინ დათვალა, თუ რა ალგორითმით ითვლიან ტარიფებს", - განაცხადა ირაკლი ნადირაძემ.

ცნობისთვის, სემეკმა „თელასსა“ და „თელმიკოში“ მონიტორინგი დაიწყო. როგორც „ინტერპრესნიუსს“ სემეკის თავმჯდომარე დავით ნარმანიამ განუცხადა, აღნიშნული მონიტორინგის საფუძველზე მოხდება მრიცხველებიდან მონაცემების აღების სისწორის შესწავლა, ასევე დადგენილ წესებთან შეუსაბამობა. კომისიის გადაწყვეტილებით, აღნიშნული პროცესი ერთი თვე გაგრძელდება. მათივე ინფორმაციით, შემოწმება 3 მარტს დასრულდება და წარედგინება კომისიას.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა