მიკროსაფინანსო ორგანიზაციაზე თავდასხმისთვის დაკავებულ ლევან ზურაბაშვილს სააპელაციო სასამართლომ 7-წლიანი პატიმრობა მიუსაჯა

მიკროსაფინანსო ორგანიზაციაზე თავდასხმისთვის დაკავებულ ლევან ზურაბაშვილს სააპელაციო სასამართლომ 7-წლიანი პატიმრობა მიუსაჯა.

როგორც ზურაბაშვილის ადვოკატმა ალექსანდრე კობაიძემ „ინტერპრესნიუსს“ განუცხადა, სააპელაციო სასამართლომ ზურაბაშვილის საქმე გადააკვალიფიცირა და ტერორიზმის ბრალდება მოუხსნა.

მისივე თქმით, დაცვის მხარე საპელაციო სასამართლოს გადაწყვეტილებას უზენაეს სასამართლოში გაასაჩივრებს.

„კვალიფიკაცია შეეცვალა, მოეხსნა ტერორიზმის ბრალდება. სისხლის სამართლის კოდექსის 143-ე მუხლით იქნა გასამართლებული და განესაზღვრა 7 წლით თავისუფლების აღკვეთა", - განაცხადა ალექსანდრე კობაიძემ.

აღსანიშნავია, რომ საქალაქო სასამართლომ ზურაბაშვილს 9-წლიანი პატიმრობა მიუსაჯა.

ცნობისთვის, წერეთლის გამზირზე მდებარე მიკროსაფინანსო ორგანიზაციაში 31 წლის ლევან ზურაბაშვილი 2020 წლის 20 ნოემბერს შეიჭრა და 19 ადამიანი მძევლად აიყვანა. თავდამსხმელთან სამართალდამცავების მიერ რამდენიმესაათიანი მოლაპარაკებების შედეგად, ბრალდებულმა მძევლად აყვანილი ადამიანები ეტაპობრივად გაათავისუფლა. ზურაბაშვილი დეპუტატების პარლამენტში შესვლას და 3 კანონის მიღებას ითხოვდა. „აიკრძალოს საქართველოს მასშტაბით ყველანაირი აზარტული თამაში; ბანკებს მიეცეთ უფლება, 7%-ში გასცენ სესხი, ვისაც არსებული სესხები აქვთ, გადაუტანონ 7%-ში; ფარმაცევტულ კომპანიებს მხოლოდ 10% მოგების უფლება მიეცეთ", - განაცხადა მიკროსაფინანსო ორგანიზაციაში შესულმა მამაკაცმა მოთხოვნებზე საუბრისას.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე