ნატო-ს აღმოსავლეთ ფლანგის გაძლიერების მიზნით ამერიკელი ჯარისკაცების ნაწილი რუმინეთში ჩავიდა, - მედიის ინფორმაციით, ამის შესახებ რუმინეთის თავდაცვის მინისტრმა ვასილე დინკუმ განაცხადა.

მისი თქმით, რუმინეთში 100-ზე მეტი ამერიკელი ჯარისკაცი ჩავიდა.

„ჩამოვიდა აშშ-ის 100-ზე მეტი ჯარისკაცი, სპეციალისტები, რომლებიც ჩვენს სპეციალისტებთან ერთად ემზადებიან ჯარების განლაგებისთვის“, - განაცხადა ვასილე დინკუმ.

შეგახსენებთ, აშშ რუმინეთსა და პოლონეთში 3 000-მდე დამატებით ჯარისკაცს აგზავნის. პენტაგონში განაცხადეს, რომ დაახლოებით 1000 სამხედრო მოსამსახურეს ვილსეკიდან, გერმანიიდან რუმინეთში გადაიყვანენ.

რუმინეთში, რომელიც 2004 წლიდან ნატოს წევრია, ამჟამად აშშ-ის 900-ამდე ჯარისკაცი იმყოფება.