საფრანგეთის პრეზიდენტმა ემანუელ მაკრონმა განაცხადა, რომ უკრაინის სუვერენიტეტის დასაცავად მინსკის შეთანხმების შესრულება ყველაზე მნიშვნელოვანია. ამის შესახებ მან უკრაინაში პრეზიდენტ ზელენსკისთან ერთად ბრიფინგზე განაცხადა.

მისი თქმით, ვლადიმერ ზელენსკიმ სრული მზაობა გამოხატა შეთანხმების პირობები შეასრულოს.

„შეიძლება ითქვას, რომ მინსკის შეთანხმება მოქმედებს როგორც ინსტრუმენტი უკრაინის სუვერენიტეტისა და ტერიტორიული მთლიანობის დასაცავად და, შესაბამისად, ჩვენ უფრო წინ უნდა ვიაროთ, რათა სრულად განვახორციელოთ შეთანხმების პირობები. ჩვენ უნდა შევძლოთ ვიპოვოთ ცვლილებები მინსკის შეთანხმების იმ პუნქტებში, რომლებიც ჯერ არ შესრულებულა“, - განაცხადა მან.