პაატა მანჯგალაძე - სოსო ჯაჭვლიანმა განცხადა, რომ საძინებელში სათვალთვალო კამერა იპოვა და ამ დროს მარტო არ იყო, ამიტომ უნდა გამოიკითხონ ლუკა კურტანაძე და ირაკლი სესიაშვილი

პარლამენტის ოპოზიციონერი დეპუტატი პაატა მანჯგალაძე მიიჩნევს, რომ სოსო ჯაჭვლიანის მიერ გაკეთებულ განცხადებასთან დაკავშირებით საგამოძიებო მოქმედებები უნდა დაიწყოს.

როგორც მანჯგალაძემ აღნიშნა, “ქართული ოცნება“ უსმენს არა მხოლოდ დეპუტატებს, არამედ სასულიერო პირებსა და დიპლომატებს.

“სოსო ჯაჭვლიანი საუბრობს, რომ სათვალთვალო კამერის პოვნისას მარტო არ იყო, ამიტომ უნდა გამოიკითხონ მის მიერ დასახელებული ლუკა კურტანაძე, ირაკლი სესიაშვილი და დაიწყოს გამოძიება. ბიძინა ივანიშვილი რუსული მეთოდით - კომპრომატებით მართავს საკუთარ გუნდს, რათა კომპრომატების შიშით მის წინააღმდეგ ხმის ამოღება ვერავინ გაბედოს“, - განაცხადა პაატა მანჯგალაძემ.

პარლამენტის ყოფილმა დეპუტატმა სოსო ჯაჭვლიანმა “TV პირველის“ ეთერში განაცხადა, რომ 2015 წელს, საძინებელში სათვალთვალო კამერა აღმოაჩინა. ჯაჭვლიანის ინფორმაციით, ამ ფაქტის მოწმე არის ლუკა კურტანიძე. მისივე თქმით, აღნიშნული ფაქტის შესახებ პარლამენტის თავდაცვისა და უშიშროების კომიტეტის მაშინდელ თავმჯდომარეს ირაკლი სესიაშვილს უამბო, თუმცა რეაგირება არ მოჰყოლია.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო