კახა ლაბუჩიძე პროფესიული კოლეჯის ადმინისტრაციას და მოსწავლეებს შეხვდა

თბილისის საკრებულოს განათლებისა და კულტურის კომისიის თავმჯდომარე კახა ლაბუჩიძე პროფესიული კოლეჯის „სპექტრის“ დირექტორთან მათე ტაკიძესთან ერთად, კოლეჯის ადმინისტრაციას და მოსწავლეებს შეხვდა, მატერიალურ-ტექნიკური ბაზა დაათვალიერა და სასწავლო პროცესს გაეცნო.

კახა ლაბუჩიძის განცხადებით, პროფესიული განათლების როლი ქვეყნის სოციალურ-ეკონომიკური მდგომარეობის გაუმჯობესებისთვის მნიშვნელოვანია, „სწორედ ამიტომ, თბილისის საკრებულოსა და მერიისთვის 2018 წლიდან დაწყებული პროგრამის „ისწავლე და დასაქმდის“ წარმატებით განხორციელება პრიორიტეტულია“.

დედაქალაქის საკრებულოს ინფორმაციით, მუნიციპალიტეტის თანადაფინანსებით შექმნილი პროგრამა მოკლევადიანია და თბილისში რეგისტრირებული მოქალაქეებისთვისაა განკუთვნილი.

განათლებისა და კულტურის კომისიის თავმჯდომარის განცხადებით, პროგრამაში ჩართული მოქალაქეები შრომის ბაზარზე განსაკუთრებით მოთხოვნად სპეციალობებს - მშენებლობის, მომსახურების, წარმოების, დიზაინის, კვების, ტრანსპორტის, ვეტერინარიის, საფინანსო, ინჟინერიის და ინფორმაციული ტექნოლოგიის სფეროებს ეუფლებიან.

„პროგრამის ფარგლებში 4500 მონაწილის გადამზადება მოხდა. მნიშვნელოვანია ის ფაქტი, რომ კოლეჯის კურსდამთავრებულთა 75 პროცენტზე მეტი დასაქმებულია სხვადასხვა სპეციალობით.

პროფესიული კოლეჯის დირექტორის განცხადებით, "სპექტრი" მემორანდუმების ფარგლებში თანამშრომლობს 300-მდე კომპანიასთან. მნიშვნელოვანია, რომ ბიზნეს სექტორის მოთხოვნების გათვალისწინებით, მუდმივად ხდება გრძელვადიანი და მოკლევადიანი პროგრამების დამატება. მიმდინარე პერიოდისთვის, კოლეჯში არის 28 გრძელვადიანი სახელმწიფო პროფესიული პროგრამა, აქედან 3 არის დუალური, 3 ინტეგრირებული და 22 მოდულური. მათე ტაკიძის განცხადებით, კოლეჯი თანამშრომლობს არა მარტო პროფესიულ სასწავლებლებთან, განათლების და მეცნიერების სამინისტროსთან, არამედ დამსაქმებლებთან, რომელთა დახმარებით, კურსის დასრულების შემდეგ, მოქალაქეები სხვადასხვა კომპანიებში საქმდებიან.

შეხვედრაზე, მხარეებმა პროფესიული კოლეჯის განვითარების ტენდენციებზე ისაუბრეს. დღევანდელი შეხვედრის მიზანს წარმოადგენდა ურთიერთთანამშრომლობა, პროგრამული პრიორიტეტების დასახვა, ახალგაზრდების ინფორმირება პროფესიული განათლების კუთხით და სამომავლო პიარ-სტრატეგიის შემუშავება. როგორც შეხვედრაზე აღინიშნა, კოლეჯს აქვს განუსაზღვრელი რესურსი პროფესიული გადამზადების თვალსაზრით და საჭიროა საზოგადოებაში მისი მაქსიმალური პოპულარიზაცია. რაც მთავარია, პროფესიული განათლების მნიშვნელობასა და როლზე მოსახლეობის სათანადო ინფორმირება აუცილებელია.

როგორც შეხვედრაზე აღინიშნა, მუნიციპალური თანადაფინანსებით შექმნილი პროექტი „ისწავლე და დასაქმდი“ საუკეთესო პლატფორმაა ქვეყანაში კვალიფიციური კადრების გადასამზადებლად და დასაქმების მაჩვენებლის გასაზრდელად“, - ნათქვამია ინფორმაციაში.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“