ბორის ჯონსონი პოლონეთსა და ბრიუსელში ჩადის

გაერთიანებული სამეფოს პრემიერ-მინისტრი ბორის ჯონსონი ხვალ პოლონეთს და ბრიუსელში, ნატო-ს შტაბ-ბინას ეწვევა. Reuters-ის ინფორმაციით, ჯონსონი პოლონეთში დისლოცირებულ ბრიტანელ ჯარისკაცებს პოლონეთის პრემიერ-მინისტრ მატეუშ მორავიეცკისთან ერთად მოინახულებს.

პოლონეთის საგარეო საქმეთა მინისტრის პრესსპიკერის განცხადებით, ვიზიტის ფარგლებში ბორის ჯონსონი პრეზიდენტ ანდჟეი დუდასაც შეხვდება.

ნატო-ს მიერ გავრცელებულ განცხადებაში აღნიშნულია, რომ ჯონსონი ბრიუსელში ჩავა და ალიანსის გენერალურ მდივანს, იენს სტოლტენბერგს შეხვდება. აღსანიშნავია, რომ ბორის ჯონსონის ვიზიტები იმ ფონზე იმართება, როდესაც დასავლეთის ქვეყნები უკრაინის საზღვარზე, სადაც ათასობით რუსი ჯარისკაცია თავმოყრილი, სიტუაციის დეესკალაციას ცდილობენ.

შეგახსენებთ, გაერთიანებული სამეფოს თავდაცვის მინისტრმა ბენ უოლესმა ორი დღის წინ განაცხადა, რომ ბრიტანეთი პოლონეთში დამატებით 350 ჯარისკაცს გააგზავნის.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება