ესპანეთი ბულგარეთში ავია გამანადგურებლებსა და ჯარისკაცებს გზავნის

ესპანეთი ბულგარეთში ოთხ სამხედრო თვითმფრინავსა და 130 ჯარისკაცს გაგზავნის, - Reuters-ის ინფორმაციით, ამის შესახებ ბულგარეთის თავდაცვის სამინისტრომ განაცხადა.

მათივე ინფორმაციით, პირველი ესპანური Eurofighter ტიპის ავია გამანადგურებლები, ბულგარეთში, სავარაუდოდ, კვირის ბოლომდე დაეშვება და საჰაერო სივრცის დაცვის მოვალეობებს ბულგარეთის საჰაერო ძალებთან ერთად მარტის ბოლომდე შეასრულებს.

„მისია ითვალისწინებს ზომებს, რომელიც მომართულია აღმოსავლეთ ფლანგზე ნატო-ს წევრი ქვეყნების უსაფრთხოების უზრუნველსაყოფად,“- აცხადებენ სამინისტროში.

ამასთან, გავრცელებული ინფორმაციით, აპრილსა და მაისში ნიდერლანდები ბულგარეთში, საჰაერო სივრცის პატრულირებაში მონაწილეობისთვის ეფ-35 ტიპის ორ თვითმფრინავს განათავსებს. ბულგარეთი, რომელიც 2004 წლიდან ნატო-ს წევრია, 1 000-მდე ჯარისკაცისგან შემდგარი სამხედრო ჯგუფის შექმნას გეგმავს, რომელიც ბულგარეთის მეთაურობით და ნატოსთან მჭიდრო თანამშრომლობით იმოქმედებს. მის შემადგენლობაში იქნებიან ჯარისკაცები ნატო-ს მოკავშირე სხვადასხვა ქვეყნიდან.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს