უკრაინის თავდაცვის სამინისტროს ინფორმაციით, ქვეყანამ გაერთიანებული სამეფოსა და აშშ-სგან მორიგი სამხედრო დახმარება მიიღო.

მათივე თქმით, უკრაინაში სიტუაციის დაძაბვის შემდეგ აშშ-სგან სამხედრო დახმარება უკვე მეცხრედ მიიღეს.

უკრაინის თავდაცვის მინისტრის მოადგილის ვიაჩესლავ შაპოვალოვის თქმით, აშშ-მა უკრაინას 80 ტონა ვაზნა გაუგზავნა. ამასთან, უკრაინამ გაერთიანებული სამეფოსგან სხვადასხვა სახის აღჭურვილობა, მათ შორის ჯავშანჟილეტები და ჩაფხუტები, მიიღო.

მინისტრის მოადგილემ აღნიშნა, რომ უკრაინა აფასებს პარტნიორების მხარდაჭერას.