აზერბაიჯანი სომხეთს ცეცხლის გახსნაში ადანაშაულებს, სომხური მხარე ბრალდებებს უარყოფს

სომხეთის შეიარაღებული ძალების ქვედანაყოფებმა ბასარკეჩარის რაიონში მდებარე პოზიციებიდან ქალბაჯარის რაიონის ზეილიკის ­დასახლებაში განლაგებულ აზერბაიჯანის არმიის პოზიციებს ცეცხლი გაუხსნეს, - აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტროში განაცხადეს.

მათივე ცნობით, აზერბაიჯანის არმიის ქვედანაყოფების მიერ განხორციელებული „საპასუხო ქმედებების შედეგად“ მოწინააღმდეგემ სროლა შეწყვიტა.

სომხური მხარე ბრალდებებს უარყოფს და „დეზინფორმაციად“ აფასებს.

„აზერბაიჯანის თავდაცვის სამინისტროს მიერ გავრცელებული განცხადება იმის შესახებ, რომ სომხეთის შეიარაღებულმა ძალებმა 9 თებერვალს ცეცხლი გაუხსნეს აზერბაიჯანის სამხედრო პოზიციებს, რომლებიც განლაგებულია სომხეთ-აზერბაიჯანის საზღვრის ჩრდილოეთ ნაწილში, დეზინფორმაციაა“, - აცხადებენ სომხეთის თავდაცვის სამინისტროში.

უწყებების ინფორმაციით, საზღვარზე ვითარება სტაბილურია.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა