მოსკოვში საგარეო საქმეთა მინისტრ სერგეი ლავროვთან შესახვედრად და იმის გარკვევით სათქმელად ჩამოვედი, რომ რუსეთმა დაუყოვნებლივ უნდა გაიყვანოს საკუთარი ძალები და პატივი სცეს უკრაინის სუვერენიტეტს, წინააღმდეგ შემთხვევაში მძიმე შედეგების წინაშე აღმოჩნდება, - ამის შესახებ გაერთიანებული სამეფოს საგარეო საქმეთა მინისტრი ლიზ ტრასი „ტვიტერში“ წერს.
მისი თქმით, დიპლომატია ერთადერთი გზაა და რუსეთი ამ გზას უნდა გაყვეს.
„ნებისმიერი შეჭრა უზარმაზარი შეცდომა იქნება. დიპლომატია ერთადერთი გზაა და რუსეთი ამ გზას უნდა გაჰყვეს,“- წერს ბრიტანელი დიპლომატი.
შეგახსენებთ, გაერთიანებული სამეფოს საგარეო საქმეთა მინისტრი დღეს მოსკოვში რუს კოლეგას, სერგეი ლავროვს შეხვდება.