ლიზ ტრასი - ვერ უგულებელვყოფთ უკრაინის საზღვარზე 100 000-ზე მეტი ჯარისკაცის თავმოყრას და უკრაინის სუვერენიტეტისთვის ძირის გამოთხრას

რეალობა ისაა, რომ ჩვენ ვერ უგულებელვყოფთ უკრაინის საზღვარზე 100 000-ზე მეტი ჯარისკაცის თავმოყრას და უკრაინის სუვერენიტეტისა და ტერიტორიული მთლიანობისთვის ძირის გამოთხრას, - ამის შესახებ გაერთიანებული სამეფოს საგარეო საქმეთა მინისტრმა მოსკოვში, რუსეთის საგარეო უწყების ხელმძღვანელთან, სერგეი ლავროვთან შეხვედრაზე განაცხადა.

მისი თქმით, უკრაინაში ომის დაწყება კატასტროფული იქნება.

„ომი უკრაინაში კატასტროფული იქნება რუსი და უკრაინელი ხალხისთვის და ევროპის უსაფრთხოებისთვის,“- განაცხადა ლიზ ტრასმა.

მისი თქმით, ნატო-მ გარკვევით განაცხადა, რომ ნებისმიერ შეჭრას მოჰყვება "მძიმე შედეგები და მკაცრი საფასური".

ლიზ ტრასმა რუსეთს მოუწოდა, უარი თქვას "ცივი ომის რიტორიკაზე" და დიპლომატიურ გზას გაჰყვეს, იმისთვის, რომ არსებული კრიზისი შემსუბუქდეს.

„რუსეთს შეუძლია გააძლიეროს თავისი, როგორც გაეროს უშიშროების საბჭოს წევრის მნიშვნელობა, თუ ის მიატოვებს ცივი ომის რიტორიკას და ამის ნაცვლად ევროპის უსაფრთხოების გასაუმჯობესებლად მნიშვნელოვან დისკუსიებში ჩაერთვება ნატო-სთან. ამ დისკუსიებმა პატივი უნდა სცეს უკრაინის სუვერენიტეტსა და ტერიტორიულ მთლიანობას. თუ ეს პრინციპები დაცული იქნება, მე მჯერა, რომ დღევანდელ მოლაპარაკებებში ჩვენ შეგვიძლია მივაღწიოთ პროგრესს ყველას უსაფრთხოების გასაძლიერებლად,“- აღნიშნა ლიზ ტრასმა.

შეგახსენებთ, რუსეთისა და გაერთიანებული სამეფოს საგარეო საქმეთა მინისტრების შეხვედრა დახურულ კარს მიღმა მიმდინარეობს.

ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 28.09.2022
ევროპული უსაფრთხოების არქიტექტურა და საქართველოს ეროვნული ინტერესები
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე