რუსეთის საგარეო დაზვერვის სამსახურის ხელმძღვანელი - რუსეთს უკრაინის მიმართ აგრესიული გეგმები არ აქვს

რუსეთის საგარეო დაზვერვის სამსახურის დირექტორი, სერგეი ნარიშკინი აცხადებს, რომ რუსეთს „უკრაინის მიმართ არანაირი აგრესიული გეგმები არ აქვს“.

ნარიშკინის მტკიცებით, „ტყუილები“ ატლანტის ოკეანის მეორე მხრიდან ვრცელდება.

„ჩვენ ვნახეთ და ვიცით, რომ ეს არის საშიში ტყუილები ატლანტის ოკეანის მეორე მხრიდან”, - აცხადებს რუსეთის საგარეო დაზვერვის სამსახურის ხელმძღვანელი.

მისი თქმით, რუსეთის მოთხოვნები უსაფრთხოების გარანტიების შესახებ ევროპული შეთანხმებების ფუნდამენტურ ნორმებს უნდა დაეფუძნოს.

„ჩვენ დაჟინებით მოვითხოვთ, რომ ჩვენი მოთხოვნები [უსაფრთხოების გარანტიების შესახებ] დაუფუძნოს ევროპული შეთანხმებების ფუნდამენტურ ნორმებს - ევროპული უსაფრთხოება არ შეიძლება დაიყოს,“- აღნიშნა ნარიშკინმა.

მისი თქმით, „არ შეიძლება ერთი სახელმწიფოს უსაფრთხოება განხორციელდეს, როცა მეორე სახელმწიფოს უსაფრთხოება დაუცველია“.

სერგეი ნარიშკინმა ასევე აღნიშნა, რუსეთი გააგრძელებს დიალოგს აშშ-სთან და ნატო-ს ყველა ქვეყანასთან.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა