„ნორმანდიული ფორმატის“ ლიდერების (რუსეთი, გერმანია, უკრაინა, საფრანგეთი) პოლიტიკური მრჩევლების ბერლინში გამართული მოლაპარაკებები შედეგის გარეშე დასრულდა, მხარეებმა მინსკის შეთანხმებების ინტერპრეტაციასთან დაკავშირებით უთანხმოება ვერ გადალახეს, - ამის შესახებ რუსეთის ფედერაციის პრეზიდენტის ადმინისტრაციის უფროსის მოადგილემ, დიმიტრი კოზაკმა შეხვედრის შემდეგ განაცხადა.

"სამწუხაროდ, თითქმის ცხრასაათიანი მოლაპარაკებები ხელშესახები შედეგების გარეშე დასრულდა. შევეცადეთ, პარიზში, 26 იანვარს გამართული წინა შეხვედრიდან გამომდინარე საბოლოო განცხადებაზე შევთანხმებულიყავით. ჩვენ იმ დროს შევთანხმდით, რომ „ნორმანდიულმა ფორმატმა“ ნებისმიერ ფასად უნდა გადალახოს ყველა განსხვავება მინსკის შეთანხმებების ინტერპრეტაციასთან დაკავშირებით, მაგრამ დღეს ამ უთანხმოებების დაძლევა ვერ მოხერხდა,“ - განაცხადა კოზაკმა.

შეგახსენებთ, „ნორმანდიული ფორმატის“ ლიდერების პოლიტიკური მრჩევლების შეხვედრა გუშინ ბერლინში გაიმართა.