უკრაინის პრემიერ-მინისტრის განცხადებით, მტრისთვის პანიკური განწყობა საჩუქარია

უკრაინის პრემიერ-მინისტრი დენის შმიგალი მიიჩნევს, რომ დეზინფორმაცია, პანიკასთან ერთად, ყველაზე საშიში ელემენტია უკრაინის წინააღმდეგ რუსეთის ჰიბრიდული ომისთვის. ამის შესახებ საუბარია პრემიერ-მინისტრის მოსახლეობისადმი ვიდეომიმართვაში.

„ომი, რომელსაც ჩვენ წინააღმდეგ აწარმოებენ, ეს მხოლოდ ჯარისკაცები და იარაღი არ არის. მას მრავალი განზომილება გააჩნია - ევროპაში გაზის კრიზისი, გრივნას კურსის რყევა, სამთავრობო რესურსებზე კიბერთავდასხმა, ინფრასტრუქტურის მასობრივი ფსევდო დანაღმვა, დაფინანსებული მიტინგები... ეს ყველაფერი ჰიბრიდული ომის ელემენტებია. მათ შორის ყველაზე საშიშია დეზინფორმაცია პანიკის ესკალაციასთან ერთად“, - განაცხადა შმიგალმა.

მისი თქმით, მტრისთვის პანიკური განწყობა საჩუქარია.

„ტანკებზე და ავტომატებზე უკეთესად, სწორედ, პანიკა ანადგურებს სახელმწიფოს“, - მიაჩნია პრემიერ-მინისტრს.

მისი თქმით, უკრაინის არმია და პოზიცია საერთაშორისო არენაზე ძლიერია ისევე, როგორც ძლიერია უკრაინის ეკონომიკა.

„ჩვენ ყოველ დღე ვძლიერდებით თავდაცვით, ეკონომიკურად, პოლიტიკურად. ერთადერთი, რაც დღეს დანამდვილებით გვჭირდება - არ წამოვეგოთ მტრის ჰიბრიდულ პროვოკაციას და არც დეზინფორმაციას“ , - განაცხადა შმიგალმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს