უნგრეთის პრემიერ - მინისტრმა ვიქტორ ორბანმა პირველად მიანიშნა იმის შესახებ, რომ მისმა ქვეყანამ, შესაძლოა, ევროკავშირი დატოვოს. ინფორმაციას სააგენტო DPA ავრცელებს.
ორბანმა ევროკავშირისგან უნგრეთის მიმართ ტოლერანტობა მოითხოვა. წინააღმდეგ შემთხვევაში კი, განაცხადა, რომ საერთო გზით სიარული შეუძლებელი იქნება.
მისივე თქმით, უნგრეთი არ ისურვებდა გახდეს ისეთი, როგორიც დასავლეთ ევროპაა ისევე, როგორც, ის არ ელოდება, რომ დასავლეთი მიიღებს უნგრეთის თავშესაფრის, ან ოჯახის პოლიტიკას.
ორბანის თქმით, უნგრეთს სურს შეინარჩუნოს ევროკავშირის ერთიანობა, მიუხედავად კულტურული გაუცხოების ზრდისა. ამიტომ, მისი თქმით, ბუდაპეშტს არაერთხელ გაუკეთებია ტოლერანტულობის შეთავაზება როგორც ბრიუსელის, ისე ბერლინისადმი.
„სხვა გადაწყვეტილება არ არსებობს. არის მხოლოდ მოთმინება. მხოლოდ ასე შევძლებთ საერთო გზის პოვნას“ ,- აღნიშნა ორბანმა.