ჯანდაცვის მინისტრის მოადგილის თამარ გაბუნიას განცხადებით, ახალგაზრდებში „ბუსტერ” დოზების ფინანსური წახალისების გამართლება ამ ეტაპზე მწირია, რადგან ეს პროგრამა რისკ ჯგუფებზეა ორიენტირებული.

ჟურნალისტების კითხვაზე, ხომ არ იგეგმება 50 წელს ქვემოთ მოსახლეობაში „ბუსტერ” დოზის წახალისება, გაბუნია ამბობს, რომ ჯანმრთელობის მსოფლიო ორგანიზაციის რეკომენდაციის თანახმად, ვაქცინაციის პრიორიტეტულ ჯგუფებად 65 წელს ზემოთ პირები უნდა დარჩნენ.

„ჯანმრთელობის მსოფლიო ორგანიზაციის უახლესი რეკომენდაციების თანახმად, ვაქცინაციისთვის პრიორიტეტულ ჯგუფებად უნდა დარჩეს მაღალი რისკის ჯგუფები, ანუ 65 წლის ზემოთ ასაკობრივი პირები. ამდენად წახალისების პროგრამებიც მეტად იქნება ფოკუსირებული მაღალი რისკის ჯგუფებზე. გამომდინარე აქედან, ახალგაზრდებში „ბუსტერ” დოზების ფინანსური წახალისების დასაბუთება და გამართლება ამ ეტაპზე მწირია”,- განაცხადა თამარ გაბუნიამ.