გერმანიის კანცლერმა ოლაფ შოლცმა უკრაინაში პრეზიდენტ ვლადიმერ ზელენსკისთან გამართულ პრესკონფერენციაზე განაცხადა, რომ უკრაინის წინააღმდეგ აგრესიას რუსეთის ფედერაციისთვის სერიოზული შედეგები მოჰყვება.

კანცლერმა ზელენსკის მადლობა გადაუხადა უკრაინის თავშეკავებული და გონიერი რეაგირების გამო.

„უკრაინის წინააღმდეგ განხორციელებული სამხედრო აგრესია რუსეთისთვის სერიოზულ პოლიტიკურ, ეკონომიკურ და გეოსტრატეგიულ შედეგებს გამოიწვევს. ამას ხვალ მოსკოვში აღვნიშნავ. მადლობელი ვართ უკრაინის მთავრობის გონივრული და თავშეკავებული რეაგირებით, ამ ძალიან რთულ და საშიშ სიტუაციაში“, – განაცხადა შოლცმა. მან ასევე ხაზი გაუსვა დიალოგის მნიშვნელობას და მოსკოვსა და კიდევ „ნორმანდიული ოთხეულის“ ფორმატში მოლაპარაკებების განახლებისკენ მოუწოდა.