ენტონი ბლინკენი - აშშ-ის საელჩოს ოპერაციები დროებით კიევიდან ლვოვში გადაგვაქვს - მოვუწოდებთ უკრაინაში დარჩენილ აშშ-ის ყველა მოქალაქეს, დაუყოვნებლივ დატოვონ ქვეყანა

აშშ-ის სახელმწიფო მდივანი ენტონი ბლინკენი უკრაინაში დარჩენილ აშშ-ის ყველა მოქალაქეს მოუწოდებს, დაუყოვნებლივ დატოვონ ქვეყანა.

სახელმწიფო მდივნის მიერ გავრცელებულ განცხადებაში ასევე აღნიშნულია, რომ უკრაინის საზღვართან რუსეთის ძალების მობილიზების მკვეთრი დაჩქარების გამო, აშშ-ს კიევის საელჩოდან ოპერაციები ლვოვში გადააქვს.

„მე და ჩემი გუნდი მუდმივად განვიხილავთ უსაფრთხოებასთან დაკავშირებულ ვითარებას. ამის გათვალისწინებით, რუსული ძალების მობილიზების მკვეთრი დაჩქარების გამო, უკრაინაში ჩვენი საელჩოს ოპერაციები დროებით გადაგვაქვს კიევიდან ლვოვში,“- აცხადებს ენტონი ბლინკენი.

ამასთან, აშშ-ის სახელმწიფო მდივანი ხაზს უსვამს, რომ საელჩო გააგრძელებს თანამშრომლობას უკრაინის მთავრობასთან და კოორდინაციას გაუწევს დიპლომატიურ ჩართულობას უკრაინაში. ასევე, გრძელდება ძალისხმევა კრიზისის დეესკალაციისთვის.

„სიფრთხილის ეს ზომები არ არყევს უკრაინისადმი ჩვენს მხარდაჭერას ან ერთგულებას. ჩვენი მხარდაჭერა უკრაინის სუვერენიტეტისა და ტერიტორიული მთლიანობისადმი ურყევია. ასევე ვაგრძელებთ გულწრფელ ძალისხმევას დიპლომატიური გამოსავლის მისაღწევად. ჩვენ ვაგრძელებთ ჩართულობას რუსეთის მთავრობასთან პრეზიდენტ ბაიდენის პრეზიდენტ პუტინთან სატელეფონო საუბრისა და საგარეო საქმეთა მინისტრ ლავროვთან ჩემი საუბრის შემდგეგ. დიპლომატიის გზა ხელმისაწვდომი რჩება, თუ რუსეთი აირჩევს კეთილსინდისიერ ჩართულობას. მოუთმენლად ველოდებით ჩვენი პერსონალის დაბრუნებას საელჩოში, როგორც კი ამის პირობები იქნება“, – ნათქვამია ენტონი ბლინკენის განცხადებაში.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე