რელიგიის საკითხთა სახელმწიფო სააგენტოსა და საქართველოს ბაპტისტური ეკლესიების კავშირის მორიგი ერთობლივი საქველმოქმედო აქცია გაიმართა. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათივე ინფორმაციით, სააგენტოს სტრატეგიული კვლევის, ანალიზისა და რეგიონების სამსახურის უფროსი ნინო ჭავჭავაძე, ანალიტიკოსი გიორგი პატაშური და საქართველოს ბაპტისტური ეკლესიების კავშირის აღმასრულებელი დირექტორი, ტარიელ პაპინაშვილი გლდანისა და მუხიანის დასახლებაში მცხოვრებ დევნილ ბავშვებს შეხვდნენ და მათ ორასამდე სასაჩუქრე ყუთი გადასცეს.
ღონისძიებას ესწრებოდა აფხაზეთიდან იძულებით გადაადგილებულ პირთა- დევნილთა მინისტრი, დავით ფაცაცია. საქველმოქმედო აქციები კვლავ გაგრძელდება.